Islamic Hadees in Roman Urdu | Hadith in Roman Urdu | Daily Hadees in Roman Urdu

 

Islamic Hadees in Roman Urdu | Hadith in Roman Urdu | Daily Hadees in Roman Urdu

Hadith in Roman Urdu:-

Nabi kareem ﷺ ne farmaya: "Aadmi ke gunahgaar hone ke liye kaafi hai ke woh har suni sunai baat ( bina tehqeeq ) bayan kar de."

wazahat:- Ek dosri rewayat mein aap ﷺ ne farmaya: "Aadmi ke jhoota hone ke liye yahi kaafi hai ke woh har suni hui baat bayan kar de" [📚Muslim: 12 ]. 

Jab bhi aap koi ibaarat kahin baghair references ke likhi payen to us par kabhi aitbaar naa karen, kyun ke hame Allah taala ne Quran kareem mein jagah jagah tehqeeq karne ka hukm diya hai: “Aye Iman walo! Agar Koi Faasiq (impious) Tumhare Paas Koi Khabar Le Kar Aaye To Khoob Tehqeeq Kar Liya Karo, Aisa Na Ho Ki Kisi Qoum Ko Nadani Se Nuqsaan Pohncha Do. Phir Tumko Apne Kiye Par Nadim Hona Padey” 

[📖Al Quran, Surah Hujraat 49:6].

hame deen islam mein koi baat baghair tehqeeq ( aur hawalay ) ke khwa woh quran ya hadees ka naam le kar kahi gayi ho, usay maan ne aur usay agay bhej ne se mana kiya gaya hai, balkay hame hukm diya gaya hai ke hame agar koi khabar/paigham mile to hum usay ulema ke saamney pesh kar ke us ka hukm maloom karen. To khulasa yeh hai ke aisi kisi baat ko tasleem nahi karna chahiye jab taq koi shakhs apni baat ko quran kareem ya sahih hadees mubarikah ke refrences se saabit naa kare.

*Sunan Abi Dawud: jild 4, kitab Al Adab 43, hadith no. 4992*_

*Grade Sahih*